, Monumentuak – Descubre la historia de Pamplona con Data Hackers

Monumentuak

Garai modernoa (XVII. m.-XVIII. m.)

Udaletxea

Udaletxea ere berreraiki zuten. Erdi Aroko eraikin osoa (1423ko batasunaren ondoren eraiki zen, nahiz eta horren berri ez eduki1483ra arte) eraistea erabaki zuten eta oin berriko bat egitea, fatxada barrokoago batez hornitua. 1951n, eraikin osoa eraitsi zuten berriz ere, fatxada izan ezik. Fatxada nagusiak hiru atal ditu, hiru estilo klasikoetan apainduta: dorikoa, jonikoa eta korintoarra (hurrenez hurren). Erremate gisa, atiko bat eta kanpoko frontoi bat ditu, hainbat estatuarekin eta harrizko balaustrada batekin –boluta zabalekin muturretan–. 1752an hasi zen eraikitzen, eta 1760an bukatu. Iruñeko Udaletxeko fatxada hiriaren benetako erreferente bilakatu da.

Ziudadela

Iruñeko defentsa-sistema handitzen jarraitu zuten, Ziudadela buru zela. 1726. urtea mugarri oso garrantzitsua izan zen Iruñeko gotorlekuen historian: Jorge Próspero de Verboom ingeniariak Ziudadelarako eta plazarako (hiriaren barrutirako) proiektu orokor bat egin zuen, eta horri men egin zitzaion XVIII. mendean zehar. Momentu horretan sortu zen gaur egun ezagutzen dugun Ziudadela, 1645ean eraiki zen beste gotorleku ez hain aurreratu bat bazegoen ere.

Ezin izan zuten Verboomen proiektua osorik egin, dirurik ez zegoelako; hortaz, Frantziako aurrealdea eta San Bartolome gotorlekua baino ez ziren egin; hain zuzen, azken hori duela gutxi (2011) zaharberritu zuten, eta gaur egun bertan dago Harresien Interpretazio Zentroa.